BAB II
KAHIRUPAN TURTA NYAAH BUMÉLA KA LEMAH CAI
NGAREGEPKEUN PUPUH DURMA
saréréa urang téh kudu sayaga ngajaga lemah cai
ti nu niat jahat nagara jadi teu aman
rayatna jadi teu tingtrim jiwa ragana
ulah jadi karisi masarakat sadaya
ngarasa aman lingkungan sepi paling sauyunan
pisan ngajaga kaamanan ningtrimkeun raga jeung batin
béla nagara ngariksa lemah cai
NGAJAWAB PERTANYAAN
Pikeun maham eusi pupuh, pék jawab pertanyaan ieu di handap!
1. Saha nu dimaksud “saréréa” dina rumpaka pupuh durma téh?
2. Naon nu dimaksud saréréa urang kudu sayaga?
3. Naon nu dimaksud lemah cai téh?
4. Naha urang kudu ngajaga lemah cai?
5. Kumaha carana urang ngajaga lemah cai téh?
6. Nurutkeun pamadegan hidep, saha baé nu rék niat jahat ka lemah cai téh?
7. Naon maksudna ”masarakat sepi paling” dina pada kadua?
8. Sebutkeun amanat eusi pupuh durma Buméla ka Lemah Cai!
CANGKEM HARTI KECAP IEU DI HANDAP. PÉK JIEUN KALIMAH!
Sayaga = sayogi (lemesna), sadia
Tingtrim = rasa aman, tenang
Raga = awak atawa badan
Karisi = kasieun aya kajadian nu ngabahayakeun
Béla = daék nulungan batur tina kasusah kalawan ihlas
Ngariksa = ngajaga
